DM

Yeh hai DM, Aashvi ki badi mummy. Aashvi aur unka bond abhi abhi bohot strong hua hai, aur Aashvi unko bohot pyaar karti hai, waise hi yeh bhi utna hi pyaar karti hain. Bilkul well-settled hain, apne aap ko ek badi business woman banaya hai. Thoda gussa bhi hai, lekin bade-bade ko bhi dara deti hain! Bachon ke saath toh bilkul bacha ban jaati hain, aur badon ke saath apni age ka pura maan rakhti hain. Yeh unki khasiyat hai jo unhe sabse alag banati hai. Aur sabse achi baat yeh hai ki yeh kisi se nahi darti, ekdum bindas hain! Strict bhi hain, par pyaari bhi, sabka khayal rakhti hain aur har kisi ke baare mein sochti hain. Inhi qualities ki wajah se Aashvi inko sabse zyada pasand karti hai!

Ashvi

Aashvi ek masti karne wali student hai, jo hamesha apne mummy-papa ko sataane ka koi na koi tareeka dhundhti rehti hai. Lekin DM ke saamne jaate hi, wo ekdum shaant aur sariif bachi ban jaati hai. DM se har din kuch na kuch daant khati rehti hai – kabhi phone ke liye, kabhi khana na khane par, ya phir kuch aur! Hamesha bichari fas jaati hai. Par DM ko bohot pyaar karti hai, kyunki apne ghar mein apni mummy ke alawa kisise itna pyaar nahi mila. Aashvi introvert hai, hamesha apne aap mein rehti hai, mummy-papa ke saath bhi zyada kuch nahi karti, toh wo simple rehna pasand karti hai. DM toh extrovert hai, isliye Aashvi ko unke saath thoda time lagta hai mix hone mein, kyunki bachpan se wo zyada logon ke beech nahi rahi. Aashvi DM ko apna idol maanti hai, unse bohot kuch seekhna chahti hai. DM ki tarah bindas aur samajhdaar banna chahti hai. DM ke paiso se usse koi farak nahi padta, usse jo cheez sabse zyada zaroori lagti hai, wo hai Love, Care, Trust, aur Respect. Agar saamne wala in cheezon mein balance bana paye, toh Aashvi apni zindagi bhar uska saath degi. Aashvi ke emotions ko kaafi kam log samajhte hain, aur jo samajh leta hai, samajh lo wo Aashvi ka hamesha ke liye ho jaata hai. Aashvi ne apni life mein bohot kam logo ko apne kareeb aane diya hai, lekin jo bhi aaye, wo bohot soch samajh kar. Aur DM unmein se ek hai. Agar apni mummy ke baad, Aashvi ne kisi ko apna banaya hai, toh wo DM hi hai.

Lekin yeh itna asaan bhi nahi hai, kuch cheezein inke beech aati hain. Sabse bada role toh Aashvi ke overthinking ka hai. Kabhi kabhi, wo apne hi soch mein khoya rehti hai, aur phir doubts aur confusion ke beech phase rehti hai. Ab yeh dekhna hai ki kya unka bond itna strong ho pata hai, ki yeh choti-moti baatein unhe door na kar de.

.

.

So this is it for today. I. I hope you like this part. If yes, then vote, comment, and share. I will update the next part soon.